ໜ້າກາກ on darktable user manual

ພາບລວມ

Mon, 01 Jan 0001 00:00:00 +0000

ໜ້າກາກຊ່ວຍໃຫ້ທ່ານສາມາດຈຳກັດຜົນກະທົບຂອງໂມດູນ ເພື່ອໃຫ້ມັນມີຜົນສະເພາະບາງສ່ວນຂອງຮູບເທົ່ານັ້ນ.

ໜ້າກາກສາມາດປຽບທຽບໄດ້ກັບຮູບພາບສີຂາວດຳ (grayscale) ທີ່ແຕ່ລະພິກເຊວມີຄ່າລະຫວ່າງ 0 ຫາ 1.0 (ຫຼື 0% ຫາ 100%). ຄ່ານີ້ຄື ຄວາມທຶບແສງ (opacity) ແລະ ໃຊ້ເພື່ອບອກວ່າໂມດູນຈະມີຜົນຕໍ່ ແຕ່ລະພິກເຊວຫຼາຍປານໃດ.

ພາກສ່ວນຕໍ່ໄປນີ້ຈະອະທິບາຍວິທີການສ້າງໜ້າກາກໃນ darktable.

ໜ້າກາກແບບແຕ້ມ

Mon, 01 Jan 0001 00:00:00 +0000

ດ້ວຍຄຸນສົມບັດໜ້າກາກແບບແຕ້ມ, ທ່ານສາມາດສ້າງໜ້າກາກໂດຍການແຕ້ມຮູບຮ່າງລົງໃນຮູບໂດຍກົງ. ຮູບຮ່າງສາມາດໃຊ້ແຍກກັນ ຫຼື ລວມກັນກໍໄດ້. ເມື່ອແຕ້ມຮູບຮ່າງລົງໃນຮູບແລ້ວ, ທ່ານສາມາດປັບແຕ່ງ, ລຶບອອກ ຫຼື ນຳໄປໃຊ້ຄືນໃນໂມດູນອື່ນໆໄດ້.

ຮູບຮ່າງຕ່າງໆຖືກເກັບໄວ້ເປັນເວັກເຕີ ແລະ ຈະຖືກປະມວນຜົນດ້ວຍຄວາມລະອຽດທີ່ຕ້ອງການໃນລະຫວ່າງ ຂະບວນການ pixelpipe. ຮູບຮ່າງຖືກກຳນົດໃນລະບົບພິກັດຂອງຮູບຕົ້ນສະບັບ ແລະ ຈະຖືກປັບປ່ຽນໄປພ້ອມ ກັບສ່ວນທີ່ເຫຼືອຂອງຮູບໂດຍໂມດູນທີ່ມີການບິດເບືອນຮູບ (ເຊັ່ນ: ການແກ້ໄຂເລນ ຫຼື ການໝຸນ ແລະ ເປີສະເປັກທິບ). ນັ້ນໝາຍຄວາມວ່າຮູບຮ່າງຈະຢູ່ຕຳແໜ່ງເດີມສະເໝີ ບໍ່ວ່າຈະມີການປ່ຽນແປງໃດໆຕາມມາ.

ທ່ານສາມາດເປີດໃຊ້ການຄວບຄຸມເພື່ອສ້າງ ຫຼື ແກ້ໄຂໜ້າກາກແບບແຕ້ມໄດ້ໂດຍການເລືອກໄອຄອນ “ໜ້າກາກແບບແຕ້ມ (drawn mask)” ຫຼື “ໜ້າກາກແບບແຕ້ມ ແລະ ແບບກຳນົດຄ່າ (drawn & parametric mask)” ທີ່ຢູ່ດ້ານລຸ່ມຂອງໂມດູນ. ນອກຈາກນີ້ທ່ານຍັງສາມາດສ້າງ ແລະ ແກ້ໄຂຮູບຮ່າງໄດ້ໂດຍໃຊ້ໂມດູນ ຕົວຈັດການໜ້າກາກ (mask manager).

🔗ການສ້າງຮູບຮ່າງ

ເລືອກຮູບຊົງໂດຍການຄລິກໃສ່ໄອຄອນຮູບຊົງທີ່ຕ້ອງການ (ຈາກຊ້າຍໄປຂວາ: ແປງ, ວົງມົນ, ວົງລີ, ເສັ້ນທາງ, ການໄລ່ສີ, ແລະ ວັດຖຸ AI – ຢ່າງຫຼັງສຸດແມ່ນຫາກ ໄດ້ເປີດໃຊ້ ຄຸນສົມບັດ AI ແລະ ໂມເດວສຳລັບວຽກ mask ກຳລັງເຮັດວຽກຢູ່).

ນີ້ຈະນຳທ່ານເຂົ້າສູ່ໂໝດການສ້າງຮູບຮ່າງນັ້ນ. ເມື່ອທ່ານແຕ້ມຮູບຮ່າງສຳເລັດແລ້ວ, ມັນຈະປ່ຽນເປັນ ໂໝດແກ້ໄຂໃຫ້ໂດຍອັດຕະໂນມັດ.

ໜ້າກາກແບບກຳນົດຄ່າ (parametric masks)

Mon, 01 Jan 0001 00:00:00 +0000

ຄຸນສົມບັດໜ້າກາກແບບກຳນົດຄ່າ (parametric mask) ຊ່ວຍໃຫ້ຄວບຄຸມການເລືອກພິກເຊວໄດ້ຢ່າງລະອຽດ. ມັນເຮັດວຽກໂດຍການສ້າງໜ້າກາກປະສົມຂຶ້ນມາໂດຍອັດຕະໂນມັດຈາກພາຣາມີເຕີທີ່ຜູ້ໃຊ້ກຳນົດ. ພາຣາມີເຕີເຫຼົ່ານີ້ຄືພິກັດຂອງສີ ແທນທີ່ຈະເປັນພິກັດທາງເລຂາຄະນິດຄືກັບທີ່ໃຊ້ໃນໜ້າກາກແບບແຕ້ມ.

ສຳລັບແຕ່ລະຊ່ອງສັນຍານຂໍ້ມູນຂອງໂມດູນ (ເຊັ່ນ: Lab, RGB) ແລະ ຊ່ອງສັນຍານຂໍ້ມູນສະເືອນ (ເຊັ່ນ: ໂທນສີ, ຄວາມອີ່ມຕົວສີ) ທ່ານສາມາດສ້າງຟັງຊັນຄວາມທຶບແສງສຳລັບແຕ່ລະຊ່ອງໄດ້. ຟັງຊັນນີ້ຈະຄຳນວນຄ່າການປະສົມລະຫວ່າງ 0 ຫາ 1 (100%) ໃຫ້ກັບແຕ່ລະພິກເຊວ ໂດຍອີງຕາມຄ່າ ຂອງພິກເຊວນັ້ນໃນຊ່ອງສັນຍານທີ່ກຳນົດ.

ດັ່ງນັ້ນ, ແຕ່ລະພິກເຊວຂອງຮູບຈຶ່ງມີຄ່າການປະສົມທີ່ແຕກຕ່າງກັນໃນແຕ່ລະຊ່ອງສັນຍານ. ຄ່າທັງໝົດ ຈະຖືກນຳມາຄູນກັນ (ແບບພິກເຊວຕໍ່ພິກເຊວ), ພ້ອມກັບຄ່າຄວາມທຶບແສງລວມ (global opacity), ເພື່ອສ້າງເປັນໜ້າກາກປະສົມແບບກຳນົດຄ່າທີ່ສົມບູນ.

ຖ້າໜ້າກາກປະສົມມີຄ່າເປັນ 0 ສຳລັບພິກເຊວໃດໜຶ່ງ, ຂໍ້ມູນຂາເຂົ້າຂອງໂມດູນຈະບໍ່ປ່ຽນແປງ. ຖ້າໜ້າກາກມີຄ່າເປັນ 1 (100%), ໂມດູນຈະມີຜົນເຕັມທີ່.

🔗ແທັບຊ່ອງສັນຍານ

ຄລິກໃສ່ແທັບຊ່ອງສັນຍານໃດໜຶ່ງເພື່ອເລືອກຊ່ອງສັນຍານທີ່ຈະໃຊ້ສ້າງໜ້າກາກ.

ໂມດູນທີ່ເຮັດວຽກໃນພື້ນທີ່ສີ Lab (ອ້າງອີງການສະແດງຜົນ) ຈະມີຊ່ອງຂໍ້ມູນສຳລັບ L, a, b, C (ຄວາມອີ່ມຕົວຂອງ LCh) ແລະ h (ໂທນສີຂອງ LCh).

ໂມດູນທີ່ເຮັດວຽກໃນພື້ນທີ່ສີ RGB ອ້າງອີງການສະແດງຜົນ ຈະມີຊ່ອງຂໍ້ມູນສຳລັບ g (ສີເທົາ), R, G, B, H (ໂທນສີຂອງ HSL), S (ຄວາມອີ່ມຕົວຂອງ HSL) ແລະ L (ຄວາມສະຫວ່າງຂອງ HSL).

ການລວມໜ້າກາກແບບແຕ້ມ ແລະ ແບບກຳນົດຄ່າ

Mon, 01 Jan 0001 00:00:00 +0000

ໜ້າກາກແບບແຕ້ມ ແລະ ແບບກຳນົດຄ່າ ສາມາດໃຊ້ຮ່ວມກັນເພື່ອສ້າງເປັນໜ້າກາກອັນດຽວ ທີ່ຈະນຳໄປໃຊ້ກັບໂມດູນໄດ້.

ມີສອງອົງປະກອບຫຼັກທີ່ຄວບຄຸມວິທີການລວມໜ້າກາກແຕ່ລະອັນ: ການຕັ້ງຄ່າ ຂົ້ວ (polarity) ຂອງແຕ່ລະໜ້າກາກ (ກຳນົດໂດຍປຸ່ມບວກ ຫຼື ລົບ) ແລະ ການຕັ້ງຄ່າໃນລາຍການເລືອກ “ລວມໜ້າກາກ (combine masks)”.

ຊ່ອງເລືອກ “ລວມໜ້າກາກ (combine masks)” ມີຕົວເລືອກດັ່ງຕໍ່ໄປນີ້ ເພື່ອກຳນົດວິທີການລວມ ໜ້າກາກແບບແຕ້ມ ແລະ ແບບກຳນົດຄ່າ:

exclusive (ຄັດອອກ): ເປັນວິທີການລວມໜ້າກາກແບບກົງໄປກົງມາ, ໂໝດ exclusive ຈະເອົາຄ່າພິກເຊວຂອງແຕ່ລະໜ້າກາກ ມາຄູນເຂົ້າກັນ.; ສຳລັບພິກເຊວໃດໜຶ່ງ, ໜ້າກາກສຸດທ້າຍຈະມີຄ່າເປັນ 0 ຖ້າຫາກມີໜ້າກາກ ອັນໃດອັນໜຶ່ງ ມີຄ່າເປັນ 0 ຢູ່ຕຳແໜ່ງນັ້ນ ແລະ ຈະມີຄ່າເປັນ 1.0 ກໍຕໍ່ເມື່ອໜ້າກາກ ທັງໝົດ ມີຄ່າເປັນ 1.0 ເທົ່ານັ້ນ.; ໜ້າກາກໃດໜຶ່ງສາມາດ ຄັດ ພິກເຊວອອກໄດ້ໂດຍການຕັ້ງຄ່າເປັນ 0, ໂດຍບໍ່ສົນວ່ໜ້າກາກອື່ນຈະເປັນແນວໃດ. ເມື່ອພິກເຊວຖືກຄັດອອກໂດຍໜ້າກາກໃດໜຶ່ງແລ້ວ, ໜ້າກາກອື່ນຈະບໍ່ສາມາດເອົາມັນກັບມາລວມໄດ້ອີກ.
inclusive (ລວມເຂົ້າ): ໂໝດ inclusive ຈະທຳການກັບຄ່າ (invert) ແຕ່ລະໜ້າກາກກ່ອນ (ເອົາ 1.0 ຕັ້ງແລ້ວລົບດ້ວຍຄ່າຂອງມັນ), ຈາກນັ້ນເອົາຄ່າທີ່ໄດ້ມາຄູນກັນ, ແລະ ສຸດທ້າຍກໍກັບຄ່າໜ້າກາກທີ່ລວມແລ້ວຄືນອີກເທື່ອໜຶ່ງ.; ສຳລັບພິກເຊວໃດໜຶ່ງ, ໜ້າກາກສຸດທ້າຍຈະມີຄ່າເປັນ 1.0 ຖ້າຫາກມີໜ້າກາກ ອັນໃດອັນໜຶ່ງ ມີຄ່າເປັນ 1.0 ຢູ່ຕຳແໜ່ງນັ້ນ ແລະ ຈະມີຄ່າເປັນ 0 ກໍຕໍ່ເມື່ອໜ້າກາກ ທັງໝົດ ມີຄ່າເປັນ 0 ເທົ່ານັ້ນ.

ການປັບແຕ່ງໜ້າກາກ ແລະ ການຄວບຄຸມເພີ່ມເຕີມ

Mon, 01 Jan 0001 00:00:00 +0000

ເມື່ອມີການໃຊ້ໜ້າກາກ, ຈະມີແຖບເລື່ອນເພີ່ມເຕີມປະກົດຂຶ້ນ ເຊິ່ງຊ່ວຍໃຫ້ທ່ານສາມາດປັບແຕ່ງ ໜ້າກາກໃຫ້ລະອຽດຂຶ້ນໄດ້.

ເກນລາຍລະອຽດ (details threshold): ສ່ວນຄວບຄຸມນີ້ຊ່ວຍໃຫ້ທ່ານປ່ຽນຄວາມທຶບແສງຂອງໜ້າກາກຕາມປະລິມານລາຍລະອຽດໃນຮູບ. ໃຊ້ ແຖບເລື່ອນນີ້ເພື່ອເລືອກບໍລິເວນທີ່ມີລາຍລະອຽດຫຼາຍ (ຄ່າບວກ) ຫຼື ບໍລິເວນທີ່ລຽບ ແລະ ບໍ່ມີລາຍລະອຽດ (ຄ່າລົບ). ຄ່າເລີ່ມຕົ້ນ (ສູນ) ຈະຂ້າມການປັບແຕ່ງນີ້. ສິ່ງນີ້ມີປະໂຫຍດ ຫຼາຍໃນການໃຊ້ເອັບເຟັກຄວາມຄົມຊັດ ຫຼື ຄວາມມົວ ໂດຍການຂ້າມບໍລິເວນທີ່ຢູ່ນອກໂຟກັດ (bokeh) ຫຼື ເນັ້ນຄວາມຄົມຊັດສະເພາະສ່ວນທີ່ມົວ ເພື່ອບໍ່ໃຫ້ສ່ວນທີ່ຊັດຢູ່ແລ້ວຄົມເກີນໄປ.

ໝາຍເຫດ: ຂໍ້ມູນທີ່ໃຊ້ສຳລັບການປັບແຕ່ງໜ້າກາກລາຍລະອຽດແມ່ນມາຈາກຂັ້ນຕອນ demosaic ຫຼື rawprepare ໃນທໍ່ການປະມວນຜົນ, ບໍ່ແມ່ນມາຈາກຂາເຂົ້າຂອງໂມດູນ (ເຊິ່ງໃຊ້ກັບ ເກນໜ້າກາກແບບກຳນົດຄ່າອື່ນໆ). ໂມດູນໃດໆຫຼັງຈາກຂັ້ນຕອນ demosaic ຈະບໍ່ມີຜົນຕໍ່ ໜ້າກາກລາຍລະອຽດ ແລະ ມັນບໍ່ສາມາດໃຊ້ໄດ້ກັບຮູບທີ່ບໍ່ແມ່ນ RAW.

ຕົວນຳການເຮັດຂອບຟຸ້ງ (feathering guide)

ການເຮັດຂອບຟຸ້ງຂອງໜ້າກາກ (mask feathering) ຈະເຮັດໃຫ້ຂອບຂອງໜ້າກາກກ້ຽງຂຶ້ນ ເພື່ອໃຫ້ຂອບຂອງໜ້າກາກຈັດວາງໃຫ້ກົງກັບຂອບຂອງສິ່ງຕ່າງໆໃນຮູບພາບໂດຍອັດຕະໂນມັດ. ການເຮັດໃຫ້ກ້ຽງນີ້ແມ່ນຖືກນຳໂດຍຮູບພາບຂາເຂົ້າ ຫຼື ຂາອອກຂອງໂມດູນ (ກ່ອນການປະສົມ), ແລະ ອາດຈະເກີດຂຶ້ນກ່ອນ ຫຼື ຫຼັງການເຮັດໃຫ້ໜ້າກາກມົວ, ຂຶ້ນຢູ່ກັບສິ່ງທີ່ເລືອກໃນລາຍການເລືອກ “feathering guide”. ການເຮັດຂອບຟຸ້ງແມ່ນມີຄວາມອ່ອນໄຫວເປັນພິເສດຕໍ່ກັບການເລືອກຮູບພາບຕົວນຳ ເມື່ອໃຊ້ກັບໂມດູນທີ່ປັບແຕ່ງຂອບ (ໂມດູນສໍາລັບການເຮັດໃຫ້ຮູບຄົມຊັດ ຫຼື ມົວ).

output before blur: ການເຮັດຂອບຟຸ້ງແມ່ນຖືກນຳໂດຍຮູບພາບ ຂາອອກ (output) ຂອງໂມດູນ ແລະ ເກີດຂຶ້ນ ກ່ອນ ທີ່ໜ້າກາກຈະຖືກເຮັດໃຫ້ມົວ

input before blur: ການເຮັດຂອບຟຸ້ງແມ່ນຖືກນຳໂດຍຮູບພາບ ຂາເຂົ້າ (input) ຂອງໂມດູນ ແລະ ເກີດຂຶ້ນ ກ່ອນ ທີ່ໜ້າກາກຈະຖືກເຮັດໃຫ້ມົວ

output after blur: ການເຮັດຂອບຟຸ້ງແມ່ນຖືກນຳໂດຍຮູບພາບ ຂາອອກ (output) ຂອງໂມດູນ ແລະ ເກີດຂຶ້ນ ຫຼັງຈາກ ທີ່ໜ້າກາກຖືກເຮັດໃຫ້ມົວແລ້ວ

input after blur: ການເຮັດຂອບຟຸ້ງແມ່ນຖືກນຳໂດຍຮູບພາບ ຂາເຂົ້າ (input) ຂອງໂມດູນ ແລະ ເກີດຂຶ້ນ ຫຼັງຈາກ ທີ່ໜ້າກາກຖືກເຮັດໃຫ້ມົວແລ້ວ

ລັດສະໝີຂອບຟຸ້ງ (feathering radius)

ປັບຄວາມແຮງຂອງເອັບເຟັກຂອບຟຸ້ງ. ການເຮັດຂອບຟຸ້ງຈະເຮັດວຽກໄດ້ດີທີ່ສຸດຫາກຂອບຂອງໜ້າກາກນັ້ນໃກ້ຄຽງກັບບາງຂອບໃນຮູບພາບຕົວນຳຢູ່ແລ້ວ. ຍິ່ງ “ລັດສະໝີຂອບຟຸ້ງ” ໃຫຍ່ເທົ່າໃດ, ອັນກໍຣິທຶມການເຮັດຂອບຟຸ້ງກໍ່ຈະສາມາດຈັດວາງໜ້າກາກໃຫ້ກົງກັບຂອບທີ່ຢູ່ໄກອອກໄປໄດ້ດີຂຶ້ນ. ແນວໃດກໍ່ຕາມ, ຫາກລັດສະໝີນີ້ໃຫຍ່ເກີນໄປ, ໜ້າກາກທີ່ຟຸ້ງອອກມາອາດຈະເກີນຂອບເຂດ (ປົກຄຸມບໍລິເວນທີ່ຜູ້ໃຊ້ຕ້ອງການຍົກເວັ້ນ). ການເຮັດຂອບຟຸ້ງຈະຖືກປິດໃຊ້ງານເມື່ອລັດສະໝີຂອບຟຸ້ງຖືກຕັ້ງເປັນ 0.

ລັດສະໝີຄວາມມົວ (blurring radius)

ການເຮັດໃຫ້ໜ້າກາກມົວຈະຊ່ວຍສ້າງການປ່ຽນຜ່ານທີ່ນຸ້ມນວນລະຫວ່າງສ່ວນທີ່ປະສົມ ແລະ ບໍ່ປະສົມ ແລະ ຊ່ວຍຫຼີກລ່ຽງສິ່ງແປກປອມ (artifacts). ແຖບເລື່ອນນີ້ຄວບຄຸມລັດສະໝີຂອງການມົວແບບ Gaussian ທີ່ຈະໃຊ້ກັບໜ້າກາກສຸດທ້າຍ. ຍິ່ງລັດສະໝີສູງ ຄວາມມົວກໍຍິ່ງຫຼາຍ (ຕັ້ງເປັນ 0 ເພື່ອບໍ່ໃຫ້ມົວ). ຄວາມມົວຂອງໜ້າກາກຈະຖືກໃຊ້ຫຼັງຈາກການເຮັດຂອບມົວ (feathering) ສະເໝີ ຖ້າເປີດໃຊ້ທັງສອງຢ່າງ, ເພື່ອຊ່ວຍໃຫ້ຂອບທີ່ຄົມ ຫຼື ສິ່ງແປກປອມຕ່າງໆເບິ່ງນຽນຂຶ້ນ.

ຄວາມທຶບແສງຂອງໜ້າກາກ (mask opacity)

ຄວາມແຮງຂອງເອັບເຟັກໃນໂມດູນແມ່ນຖືກກຳນົດໂດຍຄວາມທຶບແສງສະເພາະບ່ອນຂອງໜ້າກາກ. ການເຮັດຂອບຟຸ້ງແລະການເຮັດໃຫ້ໜ້າກາກມົວອາດຈະເຮັດໃຫ້ຄວາມທຶບແສງຂອງໜ້າກາກເດີມຫຼຸດລົງ. slider “ຄວາມທຶບແສງຂອງໜ້າກາກ” ຊ່ວຍໃຫ້ທ່ານສາມາດປັບຄວາມທຶບແສງຂອງໜ້າກາກຄືນໃໝ່ເພື່ອຊົດເຊີຍໄດ້. ຫາກຄວາມທຶບແສງຂອງໜ້າກາກຫຼຸດລົງ (ຄ່າ slider ເປັນລົບ) ສ່ວນທີ່ທຶບແສງໜ້ອຍກວ່າຈະໄດ້ຮັບຜົນກະທົບແຮງຂຶ້ນ. ໃນທາງກົງກັນຂ້າມ, ຫາກຄວາມທຶບແສງຂອງໜ້າກາກເພີ່ມຂຶ້ນ (ຄ່າ slider ເປັນບວກ) ສ່ວນທີ່ທຶບແສງຫຼາຍກວ່າຈະໄດ້ຮັບຜົນກະທົບແຮງຂຶ້ນ. ຜົນທີ່ຕາມມາຄື, ສ່ວນຂອງໜ້າກາກທີ່ທຶບແສງທັງໝົດຈະຍັງຄົງທຶບແສງຢູ່ສະເໝີ ແລະ ສ່ວນທີ່ໂປ່ງໃສທັງໝົດກໍ່ຈະຍັງຄົງໂປ່ງໃສຢູ່ສະເໝີ. ສິ່ງນີ້ເພື່ອໃຫ້ແນ່ໃຈວ່າບໍລິເວນທີ່ຖືກຍົກເວັ້ນທັງໝົດ ຫຼື ຖືກລວມເຂົ້າທັງໝົດໃນເອັບເຟັກຂອງໂມດູນ (ໂດຍການຕັ້ງຄວາມທຶບແສງຂອງໜ້າກາກເປັນ 0% ຫຼື 100%) ຈະຍັງຄົງຖືກຍົກເວັ້ນ ຫຼື ລວມເຂົ້າຄືເກົ່າ.

ຄວາມຄົມຊັດໜ້າກາກ (mask contrast)

ແຖບເລື່ອນນີ້ໃຊ້ເພື່ອເພີ່ມ ຫຼື ຫຼຸດຄວາມຄົມຊັດ (contrast) ຂອງໜ້າກາກ. ສິ່ງນີ້ຊ່ວຍໃຫ້ ທ່ານປັບການປ່ຽນຜ່ານລະຫວ່າງສ່ວນທີ່ທຶບແສງ ແລະ ໂປ່ງແສງຂອງໜ້າກາກໄດ້.

ປິດໜ້າກາກຊົ່ວຄາວ

ບາງຄັ້ງມັນມີປະໂຫຍດທີ່ຈະເບິ່ງຜົນຂອງໂມດູນໂດຍບໍ່ມີໜ້າກາກ. ຄລິກໃສ່ໄອຄອນນີ້ເພື່ອປິດ ການເຮັດວຽກຂອງໜ້າກາກຊົ່ວຄາວ (ໂດຍທີ່ໂໝດການປະສົມ ແລະ ຄວາມທຶບແສງລວມຍັງມີຜົນຢູ່).

ສະແດງໜ້າກາກ

ຄລິກໃສ່ໄອຄອນນີ້ເພື່ອສະແດງໜ້າກາກປະຈຸບັນເປັນສີເຫຼືອງຊ້ອນທັບເທິງຮູບແບບຂາວດຳ. ສີເຫຼືອງເຂັ້ມໝາຍເຖິງຄວາມທຶບແສງ 100%; ສ່ວນພື້ນຫຼັງສີເທົາທີ່ເຫັນຊັດເຈນ (ບໍ່ມີສີເຫຼືອງ) ໝາຍເຖິງຄວາມທຶບແສງ 0%.

🔗ຕົວຢ່າງ: ການເຮັດຂອບມົວໃຫ້ໜ້າກາກແບບແຕ້ມ

ການໃຊ້ໜ້າກາກ AI

Mon, 01 Jan 0001 00:00:00 +0000

ການໃຊ້ໜ້າກາກ AI ຈຳເປັນຕ້ອງເປີດໃຊ້ງານຄຸນສົມບັດ AI ໃນ ຄ່າກຳນົດ AI, ໂດຍມີໂມເດວທີ່ໃຊ້ງານໄດ້ສຳລັບວຽກ AI ທີ່ເຄື່ອງມືໜ້າກາກ ນັ້ນໆໃຊ້ (ແຕ່ລະເຄື່ອງມືດ້ານລຸ່ມຈະລະບຸວ່າໃຊ້ໂຕໃດ). ເບິ່ງ ພາບລວມຄຸນສົມບັດ AI ສຳລັບລາຍລະອຽດວ່າອັນໃດເຮັດວຽກຢູ່ໃສ.

ປະຈຸບັນ darktable ມີເຄື່ອງມືໜ້າກາກ AI ຢູ່ໜຶ່ງຢ່າງ:

ວັດຖຸ AI: ໃຊ້ວຽກ mask. ຄລິກໃສ່ສິ່ງທີ່ຕ້ອງການເພື່ອສ້າງໜ້າກາກອ້ອມຮອບມັນ; ເຮັດຊ້ຳໂດຍການຄລິກເພີ່ມເຕີມຈົນກວ່າຈະປົກຄຸມສິ່ງທີ່ທ່ານຕ້ອງການຢ່າງພໍດີ. ຜົນໄດ້ຮັບຈະຖືກປ່ຽນເປັນເວັກເຕີເຂົ້າໃນກຸ່ມຂອງຮູບຊົງເສັ້ນທາງ ແລະ ສາມາດແກ້ໄຂໄດ້ຄືກັບຮູບຊົງທີ່ແຕ້ມອື່ນໆ – ເບິ່ງ ໜ້າກາກທີ່ແຕ້ມ: ວັດຖຸ AI ສຳລັບລາຍລະອຽດ.

ໜ້າກາກແບບຣາສເຕີ (raster masks)

Mon, 01 Jan 0001 00:00:00 +0000

ດັ່ງທີ່ໄດ້ອະທິບາຍໃນພາກສ່ວນກ່ອນໜ້າ, ຜົນສຸດທ້າຍຂອງໜ້າກາກໂມດູນ (ຜົນລວມຂອງໜ້າກາກແບບແຕ້ມ ແລະ ແບບກຳນົດຄ່າ) ຄືຮູບພາບແບບຣາສເຕີສີເທົາ (grayscale) ທີ່ບອກວ່າຜົນຂອງໂມດູນຈະມີຜົນຕໍ່ ແຕ່ລະພິກເຊວຫຼາຍປານໃດ. ຮູບຣາສເຕີນີ້ນີ້ຈະຖືກເກັບໄວ້ພາຍໃນສຳລັບໂມດູນທີ່ເປີດໃຊ້ງານ ແລະ ສາມາດນຳໄປໃຊ້ຄືນໃນໂມດູນອື່ນໆໃນ pixelpipe ໄດ້.

ຄືກັນກັບໜ້າກາກທົ່ວໄປ, ຖ້າຄ່າຄວາມທຶບແສງຂອງພິກເຊວໃນໜ້າກາກຣາສເຕີເປັນສູນ, ຂໍ້ມູນຂາເຂົ້າ ຈະຜ່ານໂມດູນໄປໂດຍບໍ່ມີການປ່ຽນແປງ. ຖ້າເປັນ 1.0 ໂມດູນຈະມີຜົນເຕັມທີ່. ແລະ ສຳລັບຄ່າ ລະຫວ່າງ 0 ຫາ 1.0 ຜົນຂອງໂມດູນຈະມີຜົນຕາມສັດສ່ວນໃນຕຳແໜ່ງນັ້ນ.

ທ່ານສາມາດເລືອກໜ້າກາກຣາສເຕີໄດ້ຈາກຊ່ອງເລືອກ. ໜ້າກາກຣາສເຕີຈະຖືກລະບຸດ້ວຍຊື່ຂອງໂມດູນ ທີ່ສ້າງມັນຂຶ້ນມາໃນຕອນທຳອິດ.

ໜ້າກາກຣາສເຕີຍັງສາມາດນຳເຂົ້າຈາກຮູບທີ່ສ້າງໂດຍແອັບພລິເຄຊັນອື່ນໄດ້ – ເບິ່ງລາຍລະອຽດໃນ ໂມດູນ ໜ້າກາກຣາສເຕີຈາກພາຍນອກ (external raster mask).

ໝາຍເຫດ: ໜ້າກາກຣາສເຕີຖືກສ້າງຂຶ້ນເປັນສ່ວນໜຶ່ງຂອງການປະມວນຜົນພາຍໃນໂມດູນ. ເມື່ອ ໂມດູນປະມວນຜົນສຳເລັດແລ້ວ, ໜ້າກາກຂອງມັນຈຶ່ງຈະສາມາດນຳໄປໃຊ້ໃນໂມດູນຖັດໄປໃນ pixelpipe ໄດ້.

ສິ່ງນີ້ມີຄວາມໝາຍສອງຢ່າງຄື:

1. ໂມດູນທີ່ປິດໃຊ້ງານບໍ່ສາມາດສ້າງໜ້າກາກຣາສເຕີໄດ້ ເພາະມັນບໍ່ໄດ້ເຂົ້າຮ່ວມໃນການປະມວນຜົນ pixelpipe. ທັນທີທີ່ທ່ານປິດໂມດູນ, ໜ້າກາກຂອງມັນກໍຈະໃຊ້ງານບໍ່ໄດ້ອີກ.
1. ໜ້າກາກຣາສເຕີຈະຖືກສົ່ງ ຂຶ້ນໄປ ຕາມ pixelpipe ຫຼັງຈາກການປະມວນຜົນໂມດູນ – ພວກມັນສາມາດໃຊ້ໄດ້ສະເພາະກັບໂມດູນທີ່ຢູ່ຖັດຈາກໂມດູນທີ່ສ້າງໜ້າກາກນັ້ນເທົ່ານັ້ນ.